Questa am l’à cuntàda un me amigh duttor d’cundotta d’un paes a tès al nostar; un gioran d’istà gh’riva in ambulatori una spuslotta cla dis; “Duttor, faghia ben sa vagh al mar?”

“Certo, anche se non sei malata l’aria marina ti farà bene”

“Però., a ghè un però … al puttin al va in colonia e me mari al gh’ha di impègn …”

“E allora?”

“Alora andarev via da par mè”

“Non vedo controindicazioni; anzi le vacanze separate possono portare vantaggi alle coppie”

(acsì dis al duttor cl’è moderan e agiurnà …)

Dop dò stmani la spuslotta, tutta negra, la torna in ambulatori e la dis:

“Duttor al ringrazi dal cunsilli, a i ho propria punsà e am son pro­pria divertida!”.

“Bene bene, e adesso come stai?”

“Ben, però però … agh dèv cuntàr un fatt; al mar a i ho incuntrà un me amigh da scòla cal m’à fatt tanta cumpagnia; troppa dirèv spezialment l’ultma sira, a la festa d’addio!”

“Non voglio sapere altro! Queste cose eventualmente le dirai al pre­te!”

“No, no, a li dig al duttor parchè cal disgraziâ al m’ha fatt un bel re­gàl; al m’ha taccà na malattia!”

“Bè.. allora … vediamo …. non è grave, ecco le cure; guarirai in pochi giorni; ma in avvenire fai a modo!”

“Grazia, duttor! e al perdona al dasturb”

Dop tri dì la spuslotta la torna:

“Allora sei guarita?”

“Sì, duttor, però, … a i ho paura ca sia mala me mari!

“Bene, digli di venire da me che lo curerò”

“Mo duttor, me mari l’am mazza s’al sà cal robi chi!”

“Il problema è tuo, non posso certo andare io da tuo marito a dire di curarsi!”

“Duttor piansarò, a strangulerò quell!”

Dopo tri dì al mari al va in ambulatori e al dis:

“Duttor, dmand scusa s’al dasturb probabilment par gnènt parchè mi a stagh benissum; ma me muier da quand c’lè turnada dal mar las preocupa tant d’ia me salut; la dis ch’ i ho na gran brutta toss in d’la nott, c’lan pol minga durmir parchè a m’agit tutt, che le l’am ved minga bell; mi an sò cusa pinsar parchè ad gioran a stagh da Papa, a i ho na fam da sunador, na forza da leon, an gò gnnac un colp d’toss, e a lavor senza fadiga. Ma me muier l’ha tant insisti adgiend ca semm dna cert’età ch’as dvem preocupar pr’al puttin, che al gioran d’incò an sa mai, ch’l’ha sinti par T.V. “meglio prevenire le malattie”, fagand analisi e curi e n’asptar minga tropp.

Duttor an’arev mai più crìtt che mie muier l’am vliss acsì bèn!

Giovanni Mantovani Aguzzoni

Tratto da: La Sgambada

Anno 1984