Al Bernardòun

Al Bernardòun al n’è èeter che al lunaari,

al calendaari ind u ghè sgnèe tutt i Sàant,

i méeś, al stmaani e i dè.

12 méeś, 52 stmaani, 365 dè, mò al ne mia finìi acsè.

Insìmma al Bernardòun tè gh nòot

i lavóor bée, brùtt e i lavóor bòun,

te gh sèggn i dulóor, al compleàan dal dutóor,

quàand a riiva la bùssta,

quàand a tàaca e a finìss al mestruo,

te gh sèggn al dàati importaanti, al mèel di dèint,

i apuntamèeint e tutt i asidèeint.

Dòopo tàant tèimp lè cambièe, al s è arbaltèe,

a s è inkasèe aanch i Saant cun tutt i batśèe,

al putèein, al stèlli, l’oroscopo, al streghi,

i steriòun, al costelasiòun, i Re magi,

la via lattea, la stella cometa e tutt al rèest

da l’A a la Z.

Carpi 18-11-2023

Tiziano Depietri