Tiziano Depietri è uno scrittore, attore e poeta dialettale carpigiano. Noi de Al Barnardon, amanti del nostro dialetto (che sia mirandolese, modenese, carpigiano, non ha importanza) e delle nostre tradizioni, siamo ben lieti di ospitarlo con le sue poesie ed i suoi racconti.

Nadèèl

Da cus a s vèdd ch l è Nadèel ?

A s sèeint ind l’aaria al profùmm

e da tutti ùuś da tutt i cantòun,

a tàach i purtòun, sia pèr strèeda

che a tàach ai balcòun.

Foto e profùmm èd panetòun,

mò alóora lè Nadèel dabòun.

Ii dvèeinten tutt più bòun “sèeeee”….

mò i s-màanden a caghèer

sèeinsa ragiòun e sèinsa religiòun.

Fìmm mielóos in televisiòun,

ind i presèepi pastóor e péegri a spàas

pèr vèdder al “bambèein “ ch al nàas.

Regàai e auguri cun la speràansa

di tempi meno duri.

Butìigli e dóols a tutt gàas,

mòo cun al virus tè t tàach al kàas,

tutt in màaschera, òmm, dònni e ragàas.

Nadèel, che mumèeint specèel,

però ognùun dèeinter ind al sò cancèel.

Ps: pèr Pasqua e pèr Nadèel tutt i caiòun ìi spiàanen quèel.

Carpi 12-12-2021