L’amica Luciana, poetessa dialettale carpigiana, approfitta del Natale 2024 per dedicare al nostro lunario una poesia, chiaramente in dialetto carpigiano.

Grazie Luciana!

Al Bernardòun

L’eeter dè era in discusiòun
su la storia dal Bernardòun.
Lee propria vera ch lee un pchee muriir,
ogni dè a gh né na nova da sintiir.
A propoosit ed tradisiòun
a io cumpree Al Bernardòun.
A m è saltee a la mèint
quand eeren cuntadèin,
Al Bernardòun a l’ùss impichee,
in ogni cà  da lò a s gniiva guidee,
quand l era tèimp ed semneer,
o anch  quèl d’imbutiglieer.
Al lunaari l’era na garansia,
anch per feer sù la pcària
e quand al vidlèin al nasciiva
as guardeva la luna cl’al prevediiva .
Eeter che moderna tecnologia,
Al Bernardòun al ne sbaglieeva mia.
Ricoord i soo mood ed diir,
che ancòrr i sintòmm in giir.
Uun tant per diir “ per la Bibiaana
quaranta dè e na stmaana”
Sèinsa previsiòun né televisiòun,
a s’andeva con “Al Bernardòun”
mìnga sèmper al gh ciapeeva,
a la tuliiven come la s gniiva deeda.
Cun gninta as canteeva e sa s baleeva.
perfiin Nadeel al profumeeva.
As ridiva a s’andeeva cà per cà
a deer al bòun cav d aan,
per scrucheer quel ed bòun in maan.
Incoo lee beel aveer Al Bernardòun ,
a peera cal frena al tèimp e i soo daan,
speròmm al bèin
auguròmm a tùtt un bòun noov aan.
  Luciana Tosi dic. 2024