Un vecc mala

a sìdar sott un pòrtagh

al dmanda la limosna.

A passa un om

ch’al’s ferma e al serca dapartutt,

bisaca par bisaca:

«Car al me’ amigh

a vliva dart un sold

ma par to’ sventura

a son in bulèta dura»

e agh slonga la man

che al vece al strica

coi lagarmòn a i occ.

«Grazie, grazie, amigh!

sta stricàda ad man

la vai dimondi da più

ad na’ muneda d’or

parchè ho bisogn ad calòr!

An son brisa un rutàm

da ficcar in spazadura,

a son un om vecc e mala,

ma un galantòm,

in cua davera fortuna:

par la prima volta

in tant e tant ann

qualchidun

a m’ha slungà na’ man!».

Riccardo Pelati – San Felice sul Panaro

Tratto da “Al dialàt al riva in bèrca” – Gruppo dialettale “La Trivela”-Modena