A gh’è in via Volturno na butghina, na picula vedrina,discreta ma fina.
Na sbirciadina e at sembar ad vivàr in n’antar mond, quàdar e piccui oget
da na volta.
At ver na portavedrina tant delicada ch’a sembra ch’la dìga “sii educaa, minga aver pressia, ven a dar n’uciada ma con discresion!”
A la to destra tri picui scalen chi van a la bassa e po’, surpresa!
Un sgnor educaa, con un sorriso d’atar temp e un grembiàal da falegnam al t’invida a miràr, tra mur in pietra vista, al so fioli, n’esplosion ad stampi antighi, piculi e grandi, incurnisadi con amor.
Al so master l’è incurnisàr, ma minga aver pressia sembra ch’al diga, làsa ch’at dascora dal me putìnì.

Al Barnardon