Slap l’è l’anvò ad Jusfen e dla Marta, l’è picul e al gh’ha al teror ad l’orba.

Na sira la Marta la ga dmanda un piasèr:

“Slap, am vât a tor al granadel ch’l’è in magasen, in dal curtil?”

“Nonna, an voi andàr la fora, l’è sira e a gh’ho paura!”

“Ma va là! Sta tranquill, t’an gh’ha d’aver paura, a gh’è Gesù là fora a difendrat e aiutarat!”

Slap al guarda so nonna al sorid e al dis:

“Set sicura?”

“Ma certo! Gesù l’è sempar pront ad aiutarat”

Al puten agh pensa n’atim, al vera la porta, al guarda in dl’orba e al siga:

“Gesù…..S’at ze là fora, prisat purtarum al granadel?!”

Traduzione

Slap è il nipote della Marta e di Jusfe, è piccolo e ha il terrore del buio.

Una sera la Marta gli domanda un piacere.

“Slap, mi vai a prendere la scopa che è in magazzino, nel cortile?”

“Nonna, non ci volglio andare là fuori, è sera e ho paura!”

“Ma va là! Stai tranquillo, non devi avere paura, c’è Gesù lò fuori a difenderti e ad aiutarti.”

Slap guarda sua nonna, sorride e dice:

“Sei sicura?”

“Ma certo! Gesù è sempre pronto ad aiutarti!”

Il bambino ci pensa un attimo, apre la porta, guarda nel buio e urla:

” Gesù…..Se sei là fuori, potresti portarmi la scopa?!”