L’è propria cuntent, Tirela, stabasora: l^‘à vins na mòcia ed sold con nà schedina.

Ed’arpiat a cla braghera dla so nora, l’è andà a prenotar par dman matina, un taxi cal la  mena a Modna in Banca.

In dova nisun al cgnòs o al sa chi sìa.

In sal taxi bel e nov, rivà a bonora, pasà Sanjacum a tes a la Capletta, agh vin in ment d’ander da la Regina (dal bosch), a prenoter na festa per tota la so gint.

Acse al piccia in sna spalla al so schafor dmandand se per piaser al volta vers Campsant.

A cal paroli, ma sopratutt a cla picciadina, al schafor al dventa n’eva màta!

Al frena., al sterza sec e al sbanda. Al fa filot contra un Tir, un Mercedes e na Sesent, par finir la corsa contra una ciavga.

Tirela, tut smicà e insalumbrì al fà: “pussibil mò zuvnot, can vsidi  acort dal Tir, dla Mercedes e dla Sesent ?

E al chafor coi cavì dritt in co  e un fil ad vos: “Sgnor mo mè fin a ier a guideva un car da mort, e cla picciadina in sima a la spala, la ma fat ciaper na pora dal dievel!”

 Brano tratto da “Memorie di un medico di Campagna” del Dott. Giovanni  Mantovani

 BORGO FURO – Periodico di Narrativa Popolare – 2006