L’è andà via da Mirandla par turnar subìt, cume quel, famos, dal pachèt ad sigareti, ma as’ved che al s’è catà ben e…

Lù als’ciama Gasparini e so fradel Gasparoni!? Boh? A sarà parchè Carlo l’era più magar..!?

Alora me um duvrev ciamar Beloni…e me fradel?

Me aml’arcord (oh, l’è viv e vegèt, ca s’intindema) cum a l’ho ritratt…, grand, magar, elegant, ad class, con la pipa in boca, om ad cultura… e na Sitroen.

Al n’arà cambià na sinquantina…

I disan che agh’sia la so foto in dl’ingress ad la fabbrica in Francia.

Me dal Sitroen aghn’iva una, a l’ho tgnuda par du mes e pò la barca aghl’ho pasada a lù…am gniva al mal ad mar.

Chissà parchè, quei ca gniva a la Dasco i’ium ciamava Giani, o i ciamava i me colega Libero, Lucio, Claudio.. e adiritura Mario, ma lù i’ial ciamava il Dottor

Oh, l’è quistion ad carisma, chi ce l’ha e chi non ce l’ha.

E po’ l’è andà in Svisera.. e via la gent, cl’ann’è gnac petegla, a strulicar al parchè… e i s’è invintà da tutt.

In Svisera i’iaministra i sold ad tutt al mond e lù cus’eral ? N’aministrador.

E alora? Qual’era al post più adat?

Tratto da “Mirandolesi razza ariana” di Gianni Bellini – 2006