Campionato provinciale FIGC juniores stagione 74/75. U.S. Mirandolese. Allenatore Marchetti Antonio.

Martedè d’sira a sem tutt pront negli spogliatoi par l’allenament; mentàr a dascurèm dla partida ad du gioràn prima arriva al nostar Mister, Antonio Marchetti. Al suridìva, buon segnale, perché ad solit, l’era dimondi sevèr e dimondi dirètt.

Inutil diràl, par nuantar ragazoi Antonio l’era un mito, na leggenda “giallo-blu”.

As dascuriva ad soquant calzador ch’i eràn dal primi dònni e ,par gninta, i rinunciavan a star in camp e, a quel punto, Antonio  al tàca a cuntaràs n’anedott, un episodi capitaa a lu in dla trasferta dla Mirandolese a Sondrio.

In dal cor dla nott, racconta Antonio, a ghiva un mal ad dent incredibile (an saviva in du staar), vers tre ori dal sabat da matìna im portan al pront socors ad Sondrio e, dop na breve visita, im tiran via al dent (per la cronaca un molare). Vers zinc’ori turnem il alberag e a pons un poc.

Al dop mezdè a sem tutt in di spogliatoi a sintìr dall’allenatore (Lelovich) la furmasion ch’la duiva sugàr.

A ma spetàva ad sintirum ciamàr, ma an sera minga in dla lista di titolàr alora damando al Mister spiegasion.

“Am daspias Antonio ma dopp quel ch’a t’è sucess stanott  ho pinsaa ad tgnirat a riposo.”

Coosa?!! Se al Mister al pinsava ad tgnirum fòra dal camp sol parchè i m’ivan tirà via un dent  e dopp aver fatt tutta cla strada al sa sbagliava ad groos.

Al President Paolini, present alla discussion, insem al Mister, i an acsè decis ad farum zugar.

Finalment! L’era ora e am son insfilsaa la maia.

La gàra la finì un a un e in di spogliatoi i ma dmanda “ cum vala col dent ?”, a n’agh dagh gnanc a ment.

Quei capitani non esistono più.

Paolo Diazzi