Dal “Dascors general” de “Al Barnardon 2004”, ricordando che, lamentiamoci pure del gran caldo ma ricordatevi che il 2003 , nella prima quindicina di giorni d’agosto, fu eccezionale sia per la durata che per l’intensità, reso particolarmente insopportabile dall’alto tasso d’umidità dell’aria.

Al Barnardon, come suo solito, non mancò d’essere testimone di quell’evento eccezionale.

“Nona i me car mirandules,

con tut cal sbuiuzz maledett ch’a ghem avu st’istâ an cardidi minga che a sia andà in dal me luminarol tant vluntera!!!. Che stòffagh!!!! E uatar a savi ben che al vostar Barnardon algh ciapa sempar quand al dis ch’agh sarà cald d’istà e fredd d’inveran.

Sol che st’ann al Padreteran l’à vlu propria esagerar; an sa psiva minga far du pass sensa cataras acsè moi patocch d’aver da striccàr braghi e camìsa; e tuta cla campagna rustida, e cal povri pianti patìdi e sbatùdi, col foi chi guardavan a la basa mentr i prezzi dla frùta e dla vardura i andavan a l’elta!!

Mè, pò, c’an go minga al “Pinguino” in cà (ma sol du och, un tocch, e tri o quatar nadar mut in dl’ara), am tucava star sarâ con i scur in buclètt, o adiritura zò in cantina col braghi vuiadi sù e i pè a mòi cmè mè nunon quand tant ann fa l’andava a sgualsir l’ùa.

E a ghi da saver che a forsa da star in di òcc dal sol a strulgàr, la insìma a chi copp sbuintà, anc al me canucial (cl’è oramai vecc cum al cucch) l’era dre a dasfàras cmè na candela ad sira: tutt acsè ingubì al sarev sta sol bon da druvàr a caval i còran ad un qualch lasaron oppure, incora mei, cme tub da lavanden……..”