Quasta am là cuntà un me amigh duttor d’cundotta d’un paes attes al nostar; un gioran d’ista gh riva in ambulatori una spuslotta cla dis: “Duttor, faghia ben sa vagh al mar?” “Certo, anche se non sei mala­ta l’aria marina ti farà bene”. “Però… a ghè un però… al puttin al va in colonia e me mari al gh’ha di impegn… “E allora?” ‘Alora andarev via da par mè”. “Non vedo controindicazioni; anzi le vacanze separate possono portare vantaggi alle coppie”. (Acsì dis al duttor cl’è muderen e agiurnà…).

Dop dò stmani la spuslotta, tutta negra, la torna in ambulatori e la dis: “Duttor al ringrazi dal consiili, a i-hò propria punsà e am sun propria divertida!” “Bene, bene e adesso come stai?” “Ben, però però… agh dèv cuntàr un fatt; al mar a i-ho incuntrà un me vecc amigh da scòla cal m’à fatt tanta cumpagnia; troppa dirèv, specialment l’ulti­ma sira, a la festa d’addio!” “Non voglio sapere altro! Queste cose eventualmente le dirai al prete!” “No, no, al digh al duttor parchè cal disgrazià al m’ha fatt un bel regàl; al m’ha tacca na malattia!” “Bè allora… vediamo… non è grave, ecco le cure; guarirai in pochi giorni- ma in avvenire fai a modo!” “Grazie duttor! E al perdona al dasturb!”‘

Dop tri dì la spuslotta la torna: ‘Allora sei guarita?” “Si duttor, però,… però… a i-ho paura cal sia mala mi mari!” “Bene digli di veni­re da me che lo curerò”. “Mo duttor, mi mari l’am mazza sal’sa cal robi chi! ‘ “Il problema è tuo, non posso certo andare io da tuo marito a dire di curarsi!” “Duttor, pinsarò, a strulgarò quell!”

Dop tri dì al mari al va in ambulatori e al dis: “Duttor a dmand scusa s’al dasturb probabilment par gnènt parchè mi a stag benissum- ma mi muier da quando c’lè turnada dal mar l’as preoccupa tant d’la me salut; la dis ca i-ho na gran brutta toss in d’la nott, c’lan pol minga durmir parchè a m’agit tutt, la num ved minga bel; mi an sò cosa pin­sar parchè ad gioran a stag da Papa, a i-ho na fam da sunador, na forza da leon, an gò gnanc un colp d’toss, e a lavor senza fadiga, ma mi muier l’ha tant insisti ad’giand ca sem dna cert’età cas’ dvem preoc­cupar pr’al puttin, cha al gioran d’incò an sa mai, c’la sintì par TV “meglio prevenire le malattie”, fagand analisi e curi e n’aspitar minga tropp. Duttor an’arev mai più critt che mi muier l’am vlessa acsì bèni”

Mantovani Giovanni Uguzzoni

Tratto da Roncole…racconta anno 2006