Leggi anche: Omaggio a Riccardo Pellati

La corsa

La vita

l’è dvintada na’ corsa:

la corsa di sold.

Chi vùal la ca’ bela

la vìla al mar

na’ caslina in muntagna

na’ muiar con la grana

la fiula ach guadagna

i mobiil antigh

i quàdar d’autór

il pusadi d’argent

il munèdi d’or

i viaz in crociera

la serva ‘straniera’

e po’?

Zòvan o vecc

i tàian al strisciòn.

Chi cred d’aver vinz

d’essar campiòn

al s’accorz d’essr’al prim.. .

al prim di caiòn

in na’ corsa sudada,

ma tutta sbagliada! 

Riccardo Pelati

Tratto da: Ancàra come ‘na volta in piaza

A curra  del Gruppo Dialettale ” La Trivèla” – Modena

Anno: 1981