Don Giuseppe Mazzola – Un cald boia….!!!! Luglio 1983
Si sente ripetere fino alla noia:
«anche oggi a fa un caldo boia!
Fosse questione di qualche giorno!
dopo il caldo, il fresco fa ritorno!
Son 20 giorni di calura ormai,
e nissun scienzià l’è bón ad darg un tai!
Colpa dal Gvèran .. ‘sto calor d’inferan?
Colpa ad Bemacca .. che non capisce un’acca?
Colpa piuttost ad l’Economia…
a créss tutt .. e anc la caloria!
A passa la vóia ad far dla poesia
quand as suda cumè a bagnomaria!
As suda sempar dì e nott in modo
che la pell l’è dvintada un colabrodo!
Gelati e bevande da matina a sira:
con ‘sto calor as bev a tutta bira!
A cala l’acqua in di poss! che smacco?
ma i bevitori ricorrono a Bacco!
I l’han catàda lor là sò in cantina!
Qualcun atar al ròba un qualch milion,
e al va a sarcar al fresch .. in parsón!
Tanti malati, tanti funerali!
la morte batte le sue fosche ali!
ma chi muore, as pòl dir fortunà
parchè morendo al fredd al l’ha catà!
Anca al Prét al suda a l’altar:
e bisogna esser curt a predicar!
Col sudor di Pret, di Stradin, d’Impiegà
as guariss ogni sorta ad malà!
Sa cuntinua una stagion sì bèla,
as rustém cumè San Lurenz in dla gradèla!
Anc quei dla’scienza in sann cusa dir:
sperem che prest al possa finir!
L’unic studios ch’ac’ciapa da bon
a cred cal sia al nostar Bamardon!
riguard al temp al nà mai sbaglià:
al mett al fredd d’inveran e al cald d’istà! !!
- Giovanni 31, 7, 1983.
