AL BARNARDON MIRANDULES

Di lunari al mond gh’n’è par tutt:

ii nom al Sagri, Feri e lunazion,

i preveden ogni temp, sia bell sia brutt

e quand as dev semnàr il suchi e i mlòn.

S’a vlii un Lunari bòn, gh’è Al Barnardon,

che quant a serietà, a sem a post;

e mai al sbaglia circa il prevision:

al mett al fredd da znèr e al cald d’agost!

Al segna il Fest civili e religiosi

E tanti bei proverbi ad tutti il rassi,

dli ricetti ad cusina par li sposi

e pr’i marì li scandenzi dil tassi.

Di Lunari par tutt a gh’è in dla vita:

gh’è i gioran bei o brutt, col nuvli o al sren;

ma con al Sgnor, seguendo la strada drita,

‘s riesc a tor la vita cum la ven!!!

Tratta dal libro:

“Questa an l’ho mai sintida”

Autore: Don Giuseppe Mazzola

Anno 1991