Jusfen l’è n’om focôs e, cmè tutt i om focôs, l’è dimondi atratt dal beli donni, una in particolare, muier dal so dutor.

Un dè la la catta dlong a na strada e, sott vôs agh dis: “Madona s’at si bela, t’an pôl imaginar cusa at farev!”

Sebbene al dascuris da par lu e dimondi piân, la muier dal dutor la sent, l’as ferma, la torna su i so pass e la dis:

“Cusa at ditt Jusfen!?”

“Mo gninta, parchè?”

” Su Jusfen, an far minga al furub, a t’ho sintì, ripeti, s’at gh’ha al curagg!”

“An vliva minga essar scortese, ma atze acsè bela che t’am fa dvintar matt!”

La muier dal dutor agh pensa n’atim e po’ l’as pronuncia:

” S’at pâis acsè tant at fagh na proposta, ven dmatinna a undzori a cà mia con trimila euro e mè a sodisf ogni tò desideri.”

“Trimila euro!?”, al siga Jusfen, “ma in du li cattia!”

“Am daspiâs Jusfen, comunque la proposta l’è sempar valida” e, ditt ciò, la muirer dal dutor l’as ciapa su e la va via.

La matinna dop a undzori in punt Jusfen als presenta davanti a la porta dla cà dal dutor con i trimila euro:

“Jusfen!!! Ma alora at ze propria matt, ven dentar ch’a zerch ad sudisfar tutt i to desideri!”

Passa al temp, finì tutt, torna a cà al dutor.

“Buongiorno cara, el pasà Jusfen?”

E la muier tutta agitada:

“Sè…ma guarda che…”

“Basta acsè….A vliva sol aver na conferma, Jusfen l’è un ver om…Propria ad parola!”

” Ma caro….an capis brisa” Rispond la muier allibida.

“At gh’ha da saver che ier dop mezdè l’è gnu in ambulatori Jusfen e tutt disprâ al m’ha dmandâ in prest trimila euro dgend che al mi arev purtâ a cà stamatinna a undzori, quant l’è vera Iddio!”

TRADUZIONE

Jusfen è un uomo focoso, e, come tutti gli uomini focosi, è molto attratto dalla belle donne, una in particolare, moglie del suo dottore.

Un giorno la trova lungo una strada e, sottovoce, le dice:

“Madonna come sei bella, non puoi immaginare cosa ti farei!”

Sebbene parlasse da solo e molto piano, la moglie del dottore sente, si ferma, torna sui suoi passi e dice:

“Cosa hai detto Jusfen?”

“Ma niente, perchè?”

“Su Jusfen, ti ho sentito, non fare il furbo, ripeti, se hai il coraggio!”

“Non volevo essere scortese ma sei così bella che mi fai impazzire!”

La moglie del dottore ci pensa un attimo e poi si pronuncia:

“Se ti piaccio così tanto, ti faccio una proposta, vieni domani mattina a casa mia alle undici con tremila euro ed io soddisfo ogni tuo desiderio.”

La mattina dopo, alle undici in punto, Jusfen si presenta davanti alla porta di casa del dottore con i tremila euro:

“Jusfen!!! Ma allora sei proprio matto, vieni dentro che cerco di soddisfare tutti i tuoi desideri!”

Passa il tempo, finito tutto, torna a casa il dottore:

“Buongiorno cara, è passato Jusfen?!

E la moglie tutta agitata:

“Sì..ma guarda che….”

“Basta così…Volevo solo avere una conferma, Jusfen è un vero uomo…proprio di parola!”

“Ma caro…non capisco!” Risponde la moglie allibita.

Devi sapere che ieri pomeriggio è venuto in ambulatorio Jusfen e, tutto disperato, mi ha domandato in prestito tremila euro, dicendo che me li avrebbe portati a casa questa mattina alle undici, quanto è vero Iddio!“