Jusfen al bar al conta a Redeo:

” a s’era a la Coop a cumprar al paan e al latt, quand am son miss in coda par pagar e a ved na sgnora davanti a mè ch’l’am fisava. “Scusi, sat tgnusem? A ga dmand. “No ma at sumili dimondi a mè fiol partì tant temp fa e, purtrop, an gh’ho più so nutisii” L’am rispond piansend.

Em cuntinuà la fila e, prima ad pagar, le, con al so carrel pin ad merce, l’am dis: “possia dmandarat un piaser?”

A pinsava ch’la vlis di sold ed inveci, con un fil ad voos l’am dis: “poot dirum ‘Ciao mamma!’ quand a vagh via?”

Mè, tutt emosionà, a gh’ho ditt ad sè e, mentar l’andava via, ad alta voce, a gh’ho ditt quell ch’la vliva sintiras dir.

Ariva al mè turan ad pagar, a fagh pasar al mè paan e al latt e la cassiera l’am presenta du scuntren pr’un total ad 200 euro.

Surpres, a dmamd spiegasion e le l’am fa:

“La sgnora ch’l’è apena andada fora l’ha ditt:

“Paga tutt mè fiol!”

Traduzione

Jusfen al bar racconta a Redeo:

“ero alla Coop a comprare il pane e il latte, quando mi sono messo in coda per pagare e vedo una signora davanti da me che mi fissava. “Scusi, ci conosciamo?” Le domando. “No ma assomigli molto a mio figlio partito tanto tempo fa e, purtroppo, non ho più sue notizie” Mi dice piangendo.

Abbiamo continuato la fila e, prima di pagare mi dice: “posso domandarti un piacere?”

Pensavo che volesse dei soldi, ed invece, con un filo di voce mi dice:” puoi dirmi ‘Ciao mamma!’ quando vado via?”

Io, tutto emozionato, le ho detto di sì e, mentre andava via, ad alta voce, le ho detto quello che voleva sentirsi dire.

Arriva il mio turno di pagare, faccio passare il mio pane e il latte e la cassiera mi presenta due scontrini per un totale di 200 euro.

Sorpreso, domando spiegazioni e lei mi fa:

” La signora che è appena andata fuori ha detto:

“Paga tutto mio figlio!”