Redeo e la Jone i è in aereoport, par la prima volta i van su n’areoplan, e i è  giustament timoros. Quand i è finalmet a sedar i vedan passar  al prim pilota con al baston bianch di ciechi, dop soquant minut a passa al second pilota, anch lu col baston bianch.

La Jone l’è sempar più spavintida e la dmanda conferma alla hostess che, tranquilament, l’agh dis che sì, i è orub ma che la tecnologia l’ha fatt pass da gigant e, anch quei ch’i n’agh vedan brisa i polan pilotar n’aereo, quindi la staga pur tranquilla.

Quand Dio vol l’aereo al tacca a rular in sla pista e a ciapar velocità, prima pian pian, pò sempar più fort, la velocità l’aumenta ma l’aereo al na sleva, ormai a sem a fine pista. La Jone e Redeo e tutt i pasegger i tacan a zigar cmè di matt finchè, a l’ultim metar, finalment, al veicolo als dastacca  e al ciapa al vool.

Tutt is rilassan e in dla cabina ad pilotagg al pilota al dis al sò second:

“Al gioran ch’in strilan più a sem fottù!!”