Jusfen l’è in machina, al s’ferma al semaforo, un barbon, darent al finestrino al ga dmanda des euro par magnar e Jusfen…:

“ma sè…s’at dagh des euro ti và a bevar subit!”

” Han n’ho mai bvu alcool in vita mia!” L’assicura al barbon.

“Allora ti spindrà in fum!”

“Mai fumà”

“Magari at ze un zugador e ti va a spendar in scumessi!”

” Mai scumess in vita mia!” Continua al barbon.

“Ti spend a donni alora!”

“Nooo, a son andà a murosa par na vita da la stessa dona che pò a i ho spusà, ma purtropp l’è morta.”

“Alora, ciapà zent euro e salta in machina che at port a zena a cà mia ch’at present a la Marta, mè muier.”

Al barbon, dimondi surpres, al salta su:

“ma….el sicur che so muier la sia cuntenta che mè a vegna a magnar a cà sua?”

“No, an son minga sicur, ma a voi ch’la vèda cum a s’ardus n’om ch’an bev, an fuma, an zoga e al na va brisa a donni!”