Ai solit Jusfen e la Marta a nas du smei, passa du ann e al prim di du al taca a dir al primì paròli “papà, mamma..”, al second gninta.

Passa atar du ann, al prim al dascor già ma al second gninta sol”mm…mm”.

Jusfen e la Marta i van dal dutor:

“Jusfen…sol adess dop quatr’ann t’am port to fiol?! L’è mut da la nascita an gh’è gnin da far, sol un miracul al la pol guarir!”

I è dasprà, i van da tant specialista, i spendan un sacc ad bezzi ma…gnint da far, sol un miracul.

“Sl’è vera ch’agh vol un miracul, alora al port a Lourdes!”

E, dit e fat, Jusfen al partis par Lourds col fiol e al lasa a cà la Marta con cl’altar.

Al riva al santuario, al ved n’om in carusina che entra in na vasca e al ven fora coi so pè tutt cuntent e, gninta ad più facil, al seguis l’esempi.

Al tos al fiol, al la mett in dla vasca, agh ficca la testa sott’acqua e dop un poc al bagaet as taca ad agitar, al tira su la testa e al siga:

“Ma papà!!!! Seet scemo!? Am voot fugar?”

Jusfen l’è tropp cuntent, so fiol al dascor, ma, pr’essar sicur agh ficca ancora na volta la testa sott’acqua.

“Ma…a tl’iva già ditt, alora at se propria scemo!” Al siga al ragazol.

Jusfen al n’agh ved più da la gioia e al corr a telefonar a la Marta.

“Marta, l’è un miracul, nostar fiol al dascor!”

E la Marta:

“E cus al ditt?”

“Ch’a son scemo!”

“E al gh’ha ragion parchè cal mut l’è chè a cà!!”