La Marta la gh’ha ospite la  Ione, n’amiga, e la friss di wurstel.

La tos al sulsisott e l’al taia all’estremità.

“Parchè al taiat ?”La ga dmanda l’amiga.

“ An gh’ho idea, me madar l’ha sempar fatt acse!”

Passa na smana, la Marta la và a catàr so madar e l’agh ven in ment al sulsisott taià.

“Mamma, parchè quand at friss al sulsisott t’al tai all’estremità?”

“ An gh’ho idea, to nonna l’ha sempar fatt acse!” L’agh rispond la veccia.

La Marta l’è sempar più curiosa e la va dalla nonna.

“Nonna parchè quand at friss al sulsisott t’al tai all’estremità?”

“ L’è la tradision anvoda, pensa che anch la to bisnonna la i taiava!”

La vcina l’è ancora al mond e la viv in dal ricovar.

A stal punt la Marta la fa visita alla bisnonna.

“Cara nonnina!” L’agh siga la Marta, la veccia l’è sorda, “spiegum parchè ai sulsisott agh taià al punti!??”

E la vcina….” Ma…..an n’iv ancora cumprà na padella più granda!???”