Na vcina in ambulatori:

“dutor a gh’ho un problema ad gas intestinale, minga ch’am disturba dimondi parchè al mè scurezzi i en silenziosi e in san minga udor. Al pensa che da quand a son intrada in dal so studi a n’arò mulà na vintina e lù al na snè gnanch acort, però al gh’ha da capir ch’i è dimondi fastidiosi.”

” A capis” Al dis al dutor, “bisogna ch’la faga do curi, adess la gh’ha da tor stal pastigli par na smana tutt i dè, dop, la torna da me ch’agh dagh la seconda cura”.

Dop na smana la vcina la torna.

“Cus al m’ha dat dutor! Adess al scurezzi i è sempar silenziosi ma i fan un fetòr tremend!”

Al dutor tutt surident:

“Bene, adess ch’em curà la sinusite vdem cusa psem far par l’udito.”

Suggerita da Alberto Barelli