L’è do ori dop mesanot, Jusfen al ven fora dal bar, l’è imbariagh dur e al taca a vagar par strada.

Al riva dlong a na via e al sona al citofono d’un palaz:

“Chi è ?” E Jusfen con la voos impastada:

” La ma scusa,sgnora, l’è in cà so marè?”

“Certo ch’l’è in cà ma…al na ved che ora l’è! E fra do ori al gh’ha d’alvaras pr’andar a laurar!”

Jusfen al dmanda scusa e al passa al purton succesiv e ancora al sona al citofono:

” La ma scusa,sgnora, l’è in cà so marè?”

” M’è marè l’è mort zinch ann fa !!”

Jusfen sempar più confus e con la testa ch’la prilla sempar da più al va avanti acsè pr’un pezz, al sona, al fa la stessa dmanda e al continua dasdand tutt al quartier finchè, ormai stuff mort, al sona a un purton:

“Sgnora l’è in cà so marè!”

A rispond la Marta (so muier) imbufalida:

“Mè marè ch’l’imbariagoss!! Al sarà in gir coi so amigh a bevar in tutt i bar!!!”

E Jusfen sempar più confus:

” Ecco…s’at ze la Marta, ven a la fnestra e guarda s’a son mè!”