Zirudela Bolscevica

A la Mirandla gran quistion
tra fascista e bulscevisca
L’è ‘na cosa brutta in vista
parchè al socialisum al ga paura ad ciapar la sepoltura.

Verament jen brutt affar che al sucialisum al gvoia intrar e lor i sigan rivoluzion mentar i piccian in dal viton.

Lor in volan lavurar
sol i volan boicutar
i volan vedar la produzion
ch’ha fa la campagna sensa al vangon.

L’ è ‘nà meraviglia ad tutt,
parchè i sucialista jan aggredii un fascista
e i l’han fri in dna mann ma
al guariraa d’in co a dman.

E a vadrii sta fascista
che punt lu l’ ha in vista
e a gli ha truvaa i so traditor
e a gli ha stangaa ben ben a mod

È success dil gran slignadi
e ac pinsara’ chi gli ha ciapadi
e che i’ stegnan ben in ment
che agh ne dil gli altri in sti mument.

Emm tolt tutt’ il banderi
di bolscevich e a go piaser
e i comunisti i saran arabii
par i dispett che emm fan ai so partii.

Cum av di a Modna e a Carp e le acsi in tant atar part e parfin in sul Bulgnes as ved di quadar sparvers.

Dal frares a vin voi cuntar i gan brutt fatt ca gh’è staa janarchich jhan tintaa al colp ad minar ferovii e pont.

Ma stal cumplott le staa ciapaa
i gan da dil gran slignadi
e pò jan mis in parson
e in gudran più libertaa in dal mond.

O comunista che a mi sintii
fa anc vuatar cum a cardii
badaa cus a fa in di a vgnir
parchè a ghè dil slignadi anc pruvatar da sintir

Mirandola, 21 Aprile 1921

Gaetano Rebuzzi – cantastorie – letta da Tancredi Veronesi