I set cazzador

A gh’ era na volta sett cazzadòr, se nud e un senza camìsa;

i andavan a cazza;

se senza sciopp e un senza balìna.

I hann vist sett lèvri;

se i gh’ en scappadi

e una in l’hann minga psuda ciappar.

I l’hann missa in sem a quell senza camìsa.

I hann vist na cà senza i sò mur,

l’a gh’iva sol i bùs dil fnestri e d’la porta.

Agh rispond un ch’al n’a gh’era minga;

i gh’hann dmandà na sèga

par tàiar d’la legna

e lù al gh’ha ditt: “A gh’ n’ho dò,

una senza tài e una senza lama,

tulii quella ch’a tàia più ben”.

I hann vist n’olum senza tronch né brocch.

Un agh và in zima e al s’ sega da drè.

L’é cascà e al s’é rott i brazz;

allora i hann mandà a ciamar al duttor

ch’al n’a ven minga e al gh fassa la gamba.

Quand l’ha finii al gh’ha ditt:

“Mé an n’ho mai guarii un san,

però chi lù tra un ann

o l’é mort o al gh’è incòra”.

Par pagaràl i gh’hann regala il sett lèvri:

sè i hann tgnudi

e una in gh l’hann minga dàda.

Tratto da “Quand al Sgnor al girava pr’al stradi” di Vilmo Cappi

Letto da Flavio Rebecchi